Lima a mannalon ti minasaker dagiti pulis idi Oktubre 24, iti Barangay Bugtong, Mandaon, Masbate. Pinaruar ti pulis a dagiti biktima ket kamkameng ti Bagong Hukbong Bayan (BHB), a kano ket limmaban idi maarestar da, banag a pinaglibakan ti BHB-Masbate. Am-ammuen pay ti BHB ti pakabigbigan dagiti biktima.
Iti Barangay Poblacion, Ninoy Aquino, Sultan Kudarat, pinatay dagiti tauhan ti 7th IB ti kontra-minas nga aktibista a ni Filimon Agsim idi Oktubre 22. Parparuaren dagiti militar a nagkettel iti bukod na a biag ti biktima ngem segun iti pamilya na, nabugbog ken adda pagilasinan a naparigat ni Agsim.
Iligal a panag-aresto. Iti Bulacan, 40 a mangngalap, kabilang ti innem nga ubbing, ti kinemmeg dagiti soldado ken CAFGU iti Barangay Pamarawan, Malolos idi Oktubre 29. Naipan dagiti biktima iti detatsment iti Barangay Taliptip iti kaabay nga ili ti Bulacan. Idiay ket puersado isuda a pinagtrabaho. Pito pay a residente, karaman ti maysa nga ubing ti inkapilitan met a napagtrabaho idiay iti kapada nga aldaw.
PRWC Newsroom » Ang Bayan 