Lima ka mangunguma ang ginmasaker sang mga pulis sang Oktubre 24 sa Barangay Bugtong, Mandaon, Masbate. Ginpagwa sang pulis nga mga myembro sang Bagong Hukbong Bayan (BHB) ang mga biktima nga kuno nagbato sang arestuhon, bagay nga ginpanginwala sang BHB-Masbate. Ginahibalo pa sang BHB ang mga ngalan sang mga biktima.
Sa Barangay Poblacion, Ninoy Aquino, Sultan Kudarat, ginpatay sang mga tinawo sang 7th IB ang kontra-mina nga aktibista nga si Filimon Agsim sang Oktubre 22. Ginapagwa sang militar nga nagpanginmatay ang biktima apang suno sa iya pamilya, grabe nga pagbakol kag may mga palatandaan sang pagpaantus ang bangkay ni Agsim.
Iligal na pag-aresto. Sa Bulacan, 40 ka mangingisda, lakip ang anom ka bata, ang gindakop sang mga suldado kag CAFGU sa Barangay Pamarawan, Malolos sang Oktubre 29. Gindala ang mga biktima sa detatsment sa Barangay Taliptip sa kaiping nga banwa sang Bulacan. Didto pilit sila nga ginpatrabaho. Pito ka iban pa nga residente, lakip ang isa ka bata, ang pilit man nga ginpatrabaho didto sa adlaw nga ina.
PRWC Newsroom » Ang Bayan 