Ginasut a mannalon manipud iti Southern Tagalog ken Central Luzon ti nagmartsa agturong iti Mendiola iti Manila idi Oktubre 21. Inpaganetget da ti pudno a reporma iti daga, ₱15,000 a subsidyo ken hustisya para kadagiti biktima ti panaglabsing iti karbengan-tao. Inyawag da met nga ibasura ti Rice Tariffication Law.
Naaddaan met ti kapada a programa iti Bacolod City iti Negros, Iloilo City, Naga City iti Bicol ken iti sango ti Department of Agrarian Reform ti Central Visayas iti Cebu City.
Idi Oktubre 29, nagprotesta dagiti katutubo ken progresibo a grupo iti sango ti upisina ti National Commission on Indigenous Peoples (NCIP) iti maika-24 a tawen nga anibersaryo ti panagipasa iti Indigenous Peoples’ Rights Act of 1997 (IPRA). Panawagan da nga ibasura ti nasao a linteg ken dupraken ti NCIP. Kunada, agserserbi laeng dagitoy nga instrumento ti reaksyunaryo nga estado para iti nasaknap a panagrabsut iti ansestral a daga dagiti katutubo ken panangipaidam ti karbengan da iti bukod-a-pangngeddeng.
PRWC Newsroom » Ang Bayan 