Innem nga organisasyon a salaknib ti karbengan-tao dagiti Palestino ti “tinudingan” wenno binirngasan ti gubyerno ti Israel kas “terorista nga organisasyon” idi Oktubre 22.
Dagitoy a grupo ket ti Alhaq, Addameer Prisoner Support and Human Rights Association, Defence for Children International Palestine, Bisan Center for Research and Development, Union of Palestinian Women’s Committees ken Union of Agricultural Work Committee. Immunan nga tinudingan ti Israel a “terorista” ti grupo a Samiduon Palestinian Prisoner Solidarity Network idi Pebrero.
Segun iti Samiduon, nabirngasan da a “terorista” gapu ta epektibo da a karkariten dagiti krimen ti Israel laban kadagiti Palestino. Kunada, sigurado a maaramat ti “terorista a birngas” tapno arestaren dagiti kameng ken ipaserra dagiti upisina da ken ideklara dagitoy nga “iligal” iti uneg mismo dagiti okupado a teritoryo.
PRWC Newsroom » Ang Bayan 