Ginatos nga mangunguma halin sa Southern Tagalog kag Central Luzon ang nagmartsa padulong sa Mendiola sa Maynila sang Oktubre 21. Ginaduso nila ang tunay nga reporma sa duta, ₱15,000 nga subsidyo kag hustisya para sa mga biktima sang paglapas sa tawhanong kinamatarung. Nagpanawagan man sila nga ibasura ang Rice Tariffication Law.
May pareho man nga programa sa Bacolod City sa Negros, Iloilo City, Naga City sa Bicol kag sa atubang sang Department of Agrarian Reform sa Central Visayas sa Cebu City.
Sang Oktubre 29, nagprotesta ang mga tumandok kag progresibong grupo sa atubang sang upisina sang National Commission on Indigenous Peoples (NCIP) sa ika-24 nga anibersaryo sang pagpasar sa Indigenous Peoples’ Rights Act of 1997 (IPRA). Panawagan nila nga ibasura ang amo nga layi kag bungkagon ang NCIP. Siling nila, nagaserbi lang ang mga ini bilang instrumento sang reaksyunaryong estado para sa malaparan nga pagpang-agaw sang ansestral nga duta sang mga tumandok kag pagdingot sang ila kinamatarung sa kaugalingon nga determinasyon.
PRWC Newsroom » Ang Bayan 