Unum ka organisasyong tigpanalipud sa tawhanong katungod sa mga Palestino ang “giakusahan” o ginganlan sa gubyerno sa Israel isip mga “teroristang organisasyon” niadtong Oktubre 22.
Kini nga mga grupo mao ang Al-Haq, Addameer Prisoner Support and Human Rights Association, Defence for Children International Palestine, Bisan Center for Research and Development, Union of Palestinian Women’s Committees ug Union of Agriculural Work Committee. Una nang gideklara sa Israel nga “terorista” ang grupong Samiduon Palestinian Prisoner Solidarity Network niadtong Pebrero.
Matud sa Samiduon, giakusahan silang mga “terorista” tungod kay epektibo nilang nahagit ang mga krimen sa Israel batok sa mga Palestino. Matud niini, segurado nga pagagamiton ang “teroristang deklarasyon” aron arestuhon ang mga myembro niini, bungkagon ang mga organisasyon ug pasirad-an ang ilang mga upisina ug ideklara kining “iligal” sulod mismo sa mga giokupang teritoryo.
PRWC Newsroom » Ang Bayan 