Mga protesta

#AcademicBreakNow sa Baguio. Gipatuman sa upat ka unibersidad sa Baguio City ang panawagan sa mga estudyante alang sa mubong bakasyon gikan sa ilang mga asignatura o academic break. Matud sa mga estudyante, hugot ang panginahanglan aron makapahulay sila sa kadaghan ug kabug-at sa mga rekisito sa eskwelahan. Miulbo ang protesta sa pagtapok sa 400 ka estudyante ug magtutdlo sa Saint Louis University niadtong Nobyembre 1. Gitakda ang academic break gikan Nobyembre 2 hangtud 8.

Tigpamaba ni Duterte, gimakmak sa didto US. Gimakmak sa mga kliyente sa usa ka restoran ug mga aktibista sa US si Harry Roque, tigpamaba ni Rodrigo Duterte, niadtong Oktubre 30. Anaa sa New York, kanhi si Roque aron ipugos ang kaugalingong mahimong myembro sa International Law Commission, ang pormasyong nagatuboy og mga abugado sa International Criminal Court. Gitawag siyang “kriminal sa gubat” ug “maluho” sa mga aktibista.

Pagsukol batok pribatisasyon sa Cebu. Nagprotesta atubangan sa city hall niadtong Oktubre 27 ang People’s Coalition against Privatization-Cebu aron babagan ang planong pribatisasyon sa Metropolitan Cebu Water District. Panawagan sa koalisyon ang pagpanalipud sa katungod sa katawhan sa tubig, sanitasyon ug uban pang katilingbanong serbisyo.

Mamumuo sa panglawas sa Maynila.  Nagrali ang mga mamumuo sa panglawas sa Tondo Medical Center (TMC) niadtong Oktubre 27 aron iduso paghatag sa natanggong nilang benepisyo. Kapin 10 ka mamumuong panglawas na ang nagluwat sa ospital tungod sa kawalay proteksyon, sobrang trabaho ug ubos nga sweldo. Walay dugang badyet ang ospital luyo sa padayon nga pagdaghan sa mga pasyente niini.