Gipabusikaran sa usa ka yunit sa Bagong Hukbong Bayan (BHB)-Panay ang nagpatrulyang kontra-insurhensiyang yunit sa 606th Mobile Company sa pulis niadtong Oktubre 24 sa Barangay Jolason sa lungsod sa Tubungan, Iloilo. Duha ka pulis ang nasamdan sa opensiba. Ayha niini, gipabuthan sa BHB ang detatsment sa maong yunit sa kasikbit nga Barangay Mayang sa parehong adlaw.
Sa Masbate, tulo ka pulis sa 2nd Police Mobile Force Company ang napatay ug duha ka lain pa ang samaron sa opensibang aksyon sa BHB-Masbate sa Barangay Badiang, Catangian niadtong Oktubre 9.
Niadtong Setyembre 20, gipabuthan sa BHB-Western Samar (Arnulfo Ortiz Command) ang nag-operasyong tropa sa 46th IB sa Barangay Bugho, Pinabacdao. Usa ang kumpirmadong napatay samtang upat ang nasamdan sa mga sundalo. Samtang, gisunog sa mga Pulang manggugubat sa BHB-Northern Samar (Rodante Urtal Command) ang giabandunang kampo sa 20th IB sa Barangay San Miguel, Las Navas niadtong Setyembre 1.
PRWC Newsroom » Ang Bayan 