Ginpalukpan sang eksplosibo sang isa ka yunit sang Bagong Hukbong Bayan (BHB)-Panay ang nagapatrulya nga kontra-insurhensya nga yunit sang 606th Mobile Company sang pulis sang Oktubre 24 sa Barangay Jolason sa Tubungan, Iloilo. Duha ka pulis ang napilasan sa opensiba. Antes sini, ginpalukpan sang BHB ang detatsment sang amo nga yunit sa katambi nga Barangay Mayang sa amo man nga adlaw.
Sa Masbate, tatlo ka pulis sang 2nd Police Mobile Force Company ang napatay kag duha ka iban pa ang pilason sa opensibang aksyon sang BHB-Masbate sa Barangay Badiang, Catangian sang Oktubre 9.
Sang Septyembre 20, ginpalukpan sang BHB-Western Samar (Arnulfo Ortiz Command) ang nagaoperasyon nga tropa sang 46th IB sa Barangay Bugho, Pinabacdao. Isa ang kumpirmado nga patay samtang apat ang napilasan sa mga suldado. Samtang, ginsunog sang mga Pulang hangaway sang BHB-Northern Samar (Rodante Urtal Command) ang ginbayaan nga kampo sang 20th IB sa Barangay San Miguel, Las Navas sang Septyembre 1.
PRWC Newsroom » Ang Bayan 