Pinabettakan ti maysa a yunit ti Bagong Hukbong Bayan (BHB)-Panay ti agpatpatrulya a kontra-insurhensya a yunit ti 606th Mobile Company ti pulis idi Oktubre 24 iti Barangay Jolason iti ili ti Tubungan, Iloilo. Dua a pulis ti nasugatan iti opensiba. Sakbay daytoy, pinaputukan ti BHB ti detatsment ti nasao a yunit iti kabangibang a Barangay Mayang iti kapada nga aldaw.
Iti Masbate, tallo a pulis ti 2nd Police Mobile Force Company ti napasag ken dua pay ti nadunor iti opensiba nga aksyon ti BHB-Masbate iti Barangay Badiang, Catangian idi Oktubre 9.
Idi Setyembre 20, pinaputukan ti BHB-Western Samar (Arnulfo Ortiz Command) ti agop-operasyon a tropa ti 46th IB iti Barangay Bugho, Pinabacdao. Maysa ti kumpirmado a napapatay bayat nga uppat ti nasugatan kadagiti soldado. Kabayatanna, pinuoran dagiti Nalabbaga a mannakigubat ti BHB-Northern Samar (Rodante Urtal Command) ti inbati a kampo ti 20th IB iti Barangay San Miguel, Las Navas idi Setyembre 1.
PRWC Newsroom » Ang Bayan 