Suldado nga nag-amok sa Bukidnon, sinalakay sang tagabaryo

Ginsalakay sang tagabaryo ang isa nga nag-amok nga suldado sa Barangay Calapaton, Kitaotao, Bukidnon sang Oktubre 17. Hubog ang amo nga suldado kag pataratas nga nagpalupok nga ginkapilas sang pito ka sibilyan. Suno sa mga residente, nangluthang ang suldado pagkatapos nga may kaaway samtang nagahampang sang iligal nga sugal nga “hantak.”

Myembro sang 72nd IB ang amo nga suldado kag nagakampo sa kaingod nga barangay sang Calapaton.

Suno sa Bagong Hukbong Bayan sa Southern Mindanao, ginahayag sang pagpangluthang nga ini ang kalainan sang Retooled Community Support Program (RCSP) sang AFP. “Pantabon lang ang RCSP. Ang matuod kumbinasyon ini nga kampanya sang saywar kag paniktik batuk sa masa kag nagakahulugan sang pagkontrol sa ila paghulag, pagpamahog kag pagpangdahas agud punggan sila nga magduso sa ila panawagan para sa duta kag kinamatarung pang-ekonomya kag pangpulitika.”

Nagreport man ang pila ka mangunguma nga regular sila nga ginapatawag sang mga suldado agud “mag-report”. Para sa mga mangunguma, sablag ang RCSP sa ila pangabuhian. May isa ka kahigayunan nga bilog nga adlaw sila nga naghulat sa mga suldado para lang pamangkuton kon may namutikan sila nga hulag sang BHB sa lugar.