Sundalong naglasong sa Bukidnon, gidumog sa mga lumulupyo

Gidumog sa tagabaryo ang usa ka naglasong nga sundalo sa Barangay Calapaton, Kitaotao, Bukidnon niadtong Oktubre 17. Hubog ang maong sundalo ug paturagas nga nagpabuto nga nagresulta sa pagkasamad sa pito ka sibilyan. Matud sa mga residente, namusil ang sundalo human adunay nakalalis samtang nagdula sa iligal nga sugal nga “hantak.”

Myembro sa 72nd IB ang maong sundalo ug nakakampo sa Barangay Calapaton.

Matud sa Bagong Hukbong Bayan sa Southern Mindanao, ginabutyag sa nasangpit nga pagpamusil ang kahiwian sa Retooled Community Support Program (RCSP) sa AFP. “Takuban lamang ang RCSP. Ang tinuod magkakumbinang kampanya kini sa saywar ug pagpaniktik batok sa masa ug nagpasabot sa pagkontrol sa ilang lihok, pagpanghadlok ug pagpanghasi aron pugngan silang magduso sa ilang panawagan alang sa yuta ug sa ekonomikanhon ug pulitikanhong katungod.”

Nagtaho usab ang pipila ka mag-uuma nga regular silang ginapatawag sa mga sundalo aron “mag-report.” Alang sa mga mag-uuma, babag ang RCSP sa ilang panginabuhian. Adunay usa ka higayon nga tibuok adlaw silang gipaabot sa mga sundalo aron lang pangutan-on kung aduna ba silay namatikdang lihok sa BHB sa lugar.