Agsasaruno ti naaramid a panaglabsing dagiti soldado ti 7th ID iti karbengan-tao manipud idi Hulyo agingga Agosto. Nailista dagiti kaso kadagiti ili ti Tineg, Lacub ken Malibcong iti Abra; ken dagiti ili ti Kabugao ken Conner iti Apayao. Nagwaras met ti sakit kadagiti komunidad gapu iti pannakaakar da kadagiti soldado.
Panag-aresto. Iti pammabasol a kameng isuna ti Bagong Hukbong Bayan, naaresto ti mannalon a ni Jerome Cudiyen ti Sityo Talipugo, Buneg, Lacub. Tinakaw da ti selpon ken dulin na a makan, ken inkapilitan pinaggiya da iti operasyon. Kalpasan daytoy ket mano nga aldaw isuna nga inkulong ken tinortyur iti kampo ti 24th IB, ken tinudokan ti saan nga ammo nga agas. Tallo pay a kabaryoan ti biktima ti naaresto iti Barangay Poblacion iti Lacub.
Pananglipit. Innem a residente ti Sityo Talipugo ti natiliw ken nainteroga iti mano nga oras. Dua kadakuada ket inkapilitan a pinaggiya da iti operasyon. Iti Sityo Baliwan, Katablangan, Conner idi Hulyo 28, tiniliw ken ininteroga da met ni Romeo Sabaway ken ti dua nga agtutubo nga annak na.
PRWC Newsroom » Ang Bayan 